Э.Мөнхтуяа
10 сарын 03, 2019
БНХАУ-ын Хайнань мужийн байнгын хорооны гишүүн, хотын намын хорооны нарын бичгийн дарга гэртээ олон тонн алт нуусныг илрүүлсэн хэрэгт мөрдөн байцаалт явуулж байгаа аж.
Тодруулбал, тус улсын Авлигатай тэмцэх албаны байцаагчид энэ сарын эхээр 58 настай Жан Цигийн гэрт нэгжлэг хийж, 13.5 тонн жинтэй /520 сая Британы фунт стрелинг буюу 636 сая долларын үнэ бүхий/олон мянган алтан гулдмай олсон тухай Daily Mail агентлаг мэдээлжээ. Харин мэргэжлийн хяналтынхан Жан Цигийн дансанд хээл хахуулийн сэжигтэй 268 тэрбум юань буюу 37.4 тэрбум доллар буйг илрүүлсэн байна.
Мөн түүний гэрт их хэмжээний тансаг үнэт эдлэл, бэлэн мөнгө, эртний эдлэл, тансаг үл хөдлөх хөрөнгүүд байсан тухай RT мэдэгджээ.
某个人民的仆人落马了!儋州市原市长,三亚市原市委书记,海口市原市委书记张琦(安徽人,中共党员现年57岁)九月六日落马。其住宅内起获黄砖金条金砖数量惊人,现金13.5吨。另查获帐面来路不明资金2680亿,多套千余平方的豪宅……。又一次刷新了记录,令吾辈叹为观止,贫穷再一次限制了我们的想象力! pic.twitter.com/6hcgKsaFwE
— 猪血旗下 (@h1300062810) September 24, 2019
Энэхүү үйл явдлын дараа БНХАУ-ын Коммунист намын Төв Хорооны Сахилга батыг шалгах комиссоос Жан Цигийн Хайкоү хотын Коммунист намын хорооны нарийн бичгийн дарга, Хайнань мужийн Байнгын хорооны гишүүн хэмээх хоёр цолыг нь хүчингүй болгосон байна.
Тус улсад “эдийн засгийн гэмт хэрэг” буюу авлигын гэмт хэрэгтэй албан тушаалтан нь цаазаар авах ялаар шийтгүүлэх магадлал өндөр байдаг аж.
Эх сурвалж: https://nextshark.com
Сэтгэгдэл бичих
Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.