Х.Оргил
04 сарын 10, 2020
Монгол Улсад коронавируст халдварын тохиолдол бүртгэгдсэнтэй холбогдуулан Засгийн газар, Улсын онцгой комиссын шийдвэрийн хэрэгжилтийг уялдуулан зохицуулах, нэгдсэн удирдлага зохион байгуулалтаар хангах чиг үүрэг бүхий “Улсын онцгой комиссын шуурхай штаб”-ыг Онцгой байдлын ерөнхий газарт байгуулан ажиллаж байгаа билээ.
Коронавируст халдварын тархалтаас урьдчилан сэргийлэх, хариу арга хэмжээ авах, бэлтгэл, бэлэн байдлыг хангах чиглэлээр Монгол улсын Засгийн газар, Улсын онцгой комиссоос авч хэрэгжүүлж байгаа арга хэмжээний талаарх нэгдсэн мэдээллийг цаг тухай бүрт олон нийтэд шуурхай хүргэх зорилгоор “Улсын онцгой комиссын Шуурхай штаб” фейсбүүк хуудсыг нээн ажиллуулж байна.
Тус хуудсаар дамжуулан Улсын онцгой комиссын Шуурхай штабаас гаргаж байгаа холбогдох дүрэм, журам, шийдвэр болоод тусгай үүргийн нислэг, иргэдийг тусгаарлах байрны үйл ажиллагаатай холбоотой мэдээллийг хүргэх юм гэж Онцгой байдлын ерөнхий газраас мэдээллээ.
Сэтгэгдэл бичих (1)
Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.
Зочин [122.201.24.130] ・ 2020.11.10 Хариулах
сайн байна уу. Танай Онцгой байдлын комисстой холбоо барьж ерөөсөө болохгүй юм аа. 1800-1105 утсан дээр байгаа хүүхдүүд ямарч мэдээлэл, мэдлэггүй юм байна. 2020-10-19-нд Солонгосоос ирээд Энхсаран сувилалд тусгаарлагдсан хүмүүсийг эхнээс нь занаад байгаа юм уу, хайрлаад байгаа юм уу. яагаад байгаа ерөөсөө ойлгохгүй байна. Ирсэн өдөр нь тусгаарлалтын шаардлага хангаагүй байранд аваачсан учир шаардлага тавьж байж энэ Энхсаранд орсоноос хойш л элдэв юм ярьж доромжлоод байх юм. Онцгой дэглэмийг бариад бүх шинжилгээг нь өгөөд өдөр хоногийг нь мөрдөж 21 хоног дуусаад байхад гаргахгүй ямар бодолтой байгаа юм болоо. Солонгост шинжилгээ өгөөд, ирээд зааврын дагуу шинжилгээ өгөөд бүгд сөрөг гараад байхад өөр яах ёстой юм бэ. Энхсаран сувилал өөрөө тусгаарлалтын шаардлага хангахгүй, усанд ордог өрөөний ус доошоо явдаггүй, өөрөөр хэлбэл хүн хирэн дотороо зогсоод биеээ угаадаг, банны өрөөний ус нь шар зэвтэй ч юм шиг гардаг ийм усаар гар нүүрээ угаадаг, өрөө байрны цэвэрлэгээ огт байхгүй хүмүүс нь өөрсдөө цэвэрлэх шүүр хэрэгслэлээ гэр гэрээсээ авчруулж цэвэрлэдэг, коридор шатыг ерөөсөө цэвэрлэдэггүй, хоол маш муу гээд зөндөө зөрчилтэй газар байна. Ийм балиар газраас вирус илрэхгүй яах юм бэ. Энд эрүүл ирсэн хүмүүс өвчтэй болсоор байна. Одоо байгаа хүмүүс ч вирус авах магадлал маш өндөр байна. Тэгээд энийгээ хүмүүсийг ирэхдээ вирустэй ирсэн 20 хоногийн дараа илэрсэн мэтээр худал мэдээлэл өгөөд байхын. Энэ хүмүүс манайхаас дээр хөгжилтэй анагаах ухаан өндөр хөгжсөн Солонгос улсаас ирэхдээ олон удаа шинжилгээ өгсөн, тэнд шинжилгээ авахдаа хамар, хоолойноос арчдас авч шинжилж байхад манайх зөвхөн хамар руу нэг хатгасан болоод авч байна. Энэ 2 шинжилгээний аль нь зөв гарч байгаа нь ойлгомжтой шүүдээ. Ийм шинжилгээ өгөөд ирсэн хүмүүсийг ийм балиар тусгаарлалтын шаардлага хангаагүй газар байрлуулж, балиар орчин нөхцөлөөс болж вирус авсаныг гаднаас орж ирсэн болгож өөрсдийгөө энхийн цагаан тагтаа болгож, мөнгөө төлөөд номын дагуу ирсэн хүмүүсийг хэн ч биш болгож байгааг ерөөсөө ойлгохгүй юмаа. Одоо Энхсаран сувилал голомт болоод байгаа юм бол энд байгаа эрүүл хүмүүсээ хурдан авч өөр газар байрлуулж, энэ голомтыг хаах хэрэгтэй байна. Би ХУД-ийн иргэн хүн. Энхсаран угаасаа хүн очдоггүй, байнга ТВ-ээр зар явуулж хүн ирэхийг гуйдаг ийм газар байсан. Ийм газар яахаараа УОК-ийн шаардлагад нийцдэг байнаа. Одоо энд байгаа эрүүл хүмүүсийн эрх ашгийг хэн хамгаалах юм бэ. Хүний эрх гэж хаа байнаа. Төр, Засаг минь энэ хүмүүсийг яаралтай өөр газар шилжүүлж эрүүл байх нөхцлийг хангах хэрэгтэй юм биш үү. Тэгээд Нямхүү гэдэг нөхөр дандаа худалаа ярих юм. Эсвэл тусгаарлах газруудад өөр өөрөөр хандаад байна уу. Тэр эмчийн хэлсэнээр зарим газар хүн бүрээс 5 удаа шинжилгээ авч байгаа гээд байхын Энхсаранд бол 3 удаа шинжилгээ авсанаас 2 нь хамарны арчдас 1 нь цусны шинжилгээ байсан. Харин Нарангэрэл дарга үнэн юм ярьдаг 3 удаа авч 1 нь цусны шинжилгээ гээд үнэнийг хэлсэн. Тэгэхээр эд нарын мэдээлэл их зөрж байгаа. Энэ ажлын гол мэргэжилтэнүүд ингэж зөрөөтэй мэдээлэл хийхээр ард түмэн хэнд нь итгэх юм бэ. Үнэнч шударга ажиллаач дээ гуйж байна Ард түмэн чинь. Тэгээд эндээс аваад байгаа халдварыг үнэнээр нь мэдээлж болдоггүй юмуу. Энхсаранд Солонгосоос ирсэн хүмүүсийг Энэтхэгээс, Франкфуртээс ирсэн хүмүүстэй холилдуулаад байрлуулсан байгаа. Энэтхэгт халдвар ямар байгаа билээ. Та нар ард түмнээс илүү мэдээлэлтэй байгаа биздээ. Та нарын нөгөө хүмүүсийг ирсэн ирсэнээр нь тусгаарлаж байгаа гээд байсан чинь энэ үү. Ингэж алхам тутамдаа худалаа хэлж болдог юм уу. Ирсэн улсуудадаа шинжилгээ өгөөд эх орноо зориод эрүүл ирсэн хүмүүсийг ингэж доромжилж болдог юм уу. Нямхүү эмчийг баатар болгох гэж байгаа гэл үү. Хэрэв тэгж байгаа бол энэ хүн улам үнэнч шударга, сайн ажиллах ёстой юм биш үү. Бас тэр сувилагч хүүхэний талаар гөө мөн олон янзаар тайлбарлах юмаа. Ажил дээрээ авсан бол тэгсэн гээд л хэлэлдээ. Эсвэл та нарыг дээрээс чинь дарамтлаад байгаа юм уу. Нэр төрөө бодоод байгаа юм уу. Та нарын нэр, алдар хүнд энэ олон хүмүүсийн амь амьдрал, эх эцэгээ санасан олон үр хүүхдүүдийн байдлаас илүү юм уу. Хэлээд өгөөч . Цаашид зөв мэдээлэл өгч үнэнч шударгаар ажиллана гэдэгт итгэж байна. Бас нөгөө иж бүрэн цагаан хувцасаа өмсөөд Энхсаран сувилалд байгаа хүмүүстэй уулзаж үнэн зөв байдлыг газар дээр нь үзээд нийтийн мэдээллийн хэрэгслээр хариу өгөх нь зөв шийдвэр бөгөөд нэр хүндийг чинь харин өсгөнө шүү. Би өндөр настай хүн ч гэсэн миний хаягаар надтай холбогдох байх гэж бодож байна. Одоо бүх юм цахимжсан учир цахимаар мэдээллээ солилцож болноо. ХУД 1-р хороо өндөр настан Б.Эрдэнэ-Оюун