Б.Анхилам
07 сарын 03, 2021
Энэ сарын 20-ны өдөр долларын тэрбумтан Жефф Безос сансарт аялахаа зарласан билээ. Тэгвэл тэрбумтан маань 82 настай эмэгтэйг өөрийн аяллын хамтрагчаар сонгожээ.
Валли Фанк гэх тэр эмэгтэй цагтаа сансрын нисгэгч болохыг хүсдэг байсан ч тухайн үед эмэгтэй хүмүүсийг сансарт нисгэдэггүй байжээ.
Харин тус аялалд хамрагдсанаар тэр нэгэн рекордыг өөрийн нэр дээр эзэмших бөгөөд энэ нь сансарт гарсан хамгийн хөгшин хүн юм.
Валли 1960-аад оны үед “Меркури 13” гэх хувийн санхүүжилттэй сансрын нисгэгч бэлтгэх сургалтад хамрагдаж байсан ч хэзээ ч нисэх завшаан олдоогүй аж.
“Меркури 13” сургалтад түүнээс гадна 12 эмэгтэй бие физиологийн шалгалтуудыг даван бэлтгэгдэж байсан ч нэг нь ч сансарт гараагүй байна.
Сансрын нисгэгч болж чадаагүй тэр нисгэгч болж, улмаар АНУ-ын цэргийн нисэх хүчний анхны эмэгтэй нислэгийн зааварлагч, анхны эмэгтэй агаарын аюулгүй байдлын шинжээчээр ажиллаж байжээ.
Мөн түүнийг зөвхөн хүйснээс нь болоод гурван ч арилжааны авиа компани ажилд авч байгаагүй гэнэ.
Эх сурвалж: UNILAD
Сэтгэгдэл бичих
Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.