Б.Баясгалан
03 сарын 29, 2022
Дайны улмаас эдийн засгийн хориг арга хэмжээнд өртсөн Оросын зарим олигархиуд хүнд байдалд ороод байгаа аж.
Тухайлбал Альфа-банкны бас үүсгэн байгуулагчдын нэг олигархи Михаил Фридман энэ сарын 27-ны өдөр АНУ-ын CBS сувгаар мэдээлэл өгчээ.
Тэрбээр "Би АТМ-ээс ч мөнгө авах боломжгүй болчихоод байна. Бид Орост бизнес хийснээс өөр ямар буруу зүйл хийсэн юм бэ?” хэмээн дуугаа өндөрсгөсөн байна.
Иргэд ОХУ-ын түрэмгийлэлд өртсөн Украины ард түмний амсч буй зовлон зүдгүүртэй харьцуулахад Оросын олигархуудын энэ байдал юу ч биш хэмээн шүүмжилжээ.
Хориг арга хэмжээний чиглэлээр мэргэшсэн хуульч Майкл Окан "Баячуудад хориг тавих нь тийм ч үр өгөөжтэй биш байдаг ба учир нь тэд угаасаа л татвараас зайлсхийхийн тулд өөрсдийн өмч хөрөнгийг өөр хүний нэр дээр нуун дарагдуулах зэргээр тодорхой бус болгодог" хэмээн цохон тэмдэглэжээ.
Сэтгэгдэл бичих
Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.