Х.Оргил
06 сарын 29, 2018
Замын цагдаагийн газраас улсын хэмжээнд энэ долоо хоногт бүртгэгдсэн зам тээврийн осол, хэргийн талаар танилцуулъя.
Даваа гариг буюу энэ сарын 25-наас 29-ний өдрүүдэд нийслэл хотын хэмжээнд Замын цагдаагийн алба нийт 1102 дуудлага мэдээлэл бүртгэгджээ. Үүнээс зам тээврийн ослын 759 дуудлага ирсэн байна. Эдгээрээс ослын улмаас нийслэлд 1 хүний амь нас хохирч, 37 хүн гэмтэж бэртсэн бөгөөд үүний 9 нь бага насны хүүхэд байжээ. Мөн орон нутагт 4 хүний амь нас хохирсон ноцтой зам тээврийн ослууд бүртгэгдсэнийг тус тус шалгаж байна.
Тухайлбал:
Цагдаагийн байгууллагаас гудамж замд хийсэн хяналт шалгалтаар согтууруулах ундааны зүйл хэрэглэсэн үедээ тээврийн хэрэгсэл жолоодсон 176 зөрчлийг илрүүлж хариуцлага тооцсон.
Энэ 7 хоногт нийт бүртгэгдсэн зам тээврийн осол, хэргийг үйлдэгдсэн хэлбэрээр нь авч үзвэл явган зорчигч мөргөж гэмтээсэн 32 осол, мөргөлдөх хэлбэрээр 23 осол, онхолдох хэлбэрээр 1 осол тус тус бүртгэгдсэн ба дээрх тоон үзүүлэлтүүдийг өмнөх 7 хоногтой харьцуулахад зам тээврийн ослын шинжтэй дуудлага 3,9 хувиар, гэмтсэн хүний тоо 16,2 хувиар, хүүхэд өртсөн осол 2 дахин, согтуугаар тээврийн хэрэгсэл жолоодсон зөрчил 15 хувиар тус тус буурсан байна.
Сэтгэгдэл бичих
Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.