Б.Баясгалан
10 сарын 13, 2018
Нийслэлийн 379 жилийн ойг угтан зохион байгуулж буй “Их хотын хямдрал-2018” бизнес фестивалийн нээлт өнөөдөр Сүхбаатарын талбайд боллоо.
Нээлтэд нийслэлийн Засаг даргын орлогч Ш.Анхмаа, Улаанбаатар хотын Ерөнхий менежер бөгөөд Захирагчийн ажлын албаны дарга Т.Гантөмөр, МҮХАҮТ-ын ерөнхийлөгч Б.Лхагважав болон холбогдох албаныхан оролцов.
“Их хотын хямдрал-2018” бизнес фестивальд нийслэлд үйл ажиллагаа явуулдаг 50 гаруй ААН, байгууллагын 500 гаруй бизнес эрхлэгчид нэгджээ. Хямдралтай худалдаа өнөөдөр Сүхбаатарын талбайд, энэ сарын 29-нийг хүртэлх бусад өдрүүдэд худалдаа, үйлчилгээний газруудад үргэлжлэн явагдана.
Өнөөдрийн арга хэмжээний хүрээнд бизнес эрхлэгч компаниуд болон зохион байгуулагч, оролцогч байгууллагууд оролцсон парад, ААН-үүдийн танилцуулга, сурталчилгаа, хямдралтай, сугалаатай худалдаа, урлагийн тоглолтуудыг зохион байгуулах аж.
Сэтгэгдэл бичих
Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.