ВАШИНГТОН. /AP/. Америкийн “HBO” суваг “Хаадын тоглоом” хит цувралын өмнөх үеийн талаарх цуврал гаргана гэж мягмар гарагт мэдэгджээ. Шинээр гарах цувралд энэ оны эхээр дууссан найман бүлэгт “Хаадын тоглоом” цувралын үйл явдлаас 300 орчим жилийн өмнөх үеийг харуулна.

“HBO” сувгийн хамгийн алдартай уран бүтээлүүдийн нэг “Хаадын тоглоом” цуврал “Emmy awards” наадмаас олон шагнал хүртэж, дэлхий даяар олон арван сая үзэгчийг байлдан дагуулсан юм. 

“House of the Dragon” нэртэй шинэ цувралд Таргариений удмын гэр бүлийнхний түүх болон “Вестерос” эзэнт гүрний эртний үеийн талаар өгүүлэх аж. 

Эх сурвалж: Монцамэ агентлаг