Мансууруулах, сэтгэцэд нөлөөлөх эм зөөвөрлөсөн Монголын дипломатч ял сонслоо

Х.Оргил
09 сарын 30, 2019

ХБНГУ-ын Дрезден хотын шүүхээс мансууруулах бодис тээвэрлэж яваад саатуулагдсан дипломатч Т.Мөнхбатад гурван жил, есөн сарын хорих ял оноосон байна.

Тэрбээр, ОХУ-ын Буриад улсын Улаан-Үдэд суугаа Ерөнхий консулын газарт худалдааны атташегаар ажиллаж байсан юм. Т.Мөнхбат нь 2018 онд ХБНГУ-ын Германы зүүн өмнөд бүсийн А17 чиглэлийн хурдны зам дээр саатуулагдсан байдаг. Тухайн үед дипломатч консулын газрын машинтай явж байсан аж.

Цагдаагийн үзлэгээр түүний машинаас 150 мянган ширхэг сэтгэцэд нөлөөлөх эм бэлдмэл гарсан юм. Уг эм нь 40 мянган еврогийн үнэд хүрэх аж.

Холбоотой сэдвүүд

мансууруулах бодис хар тамхи

Сэтгэгдэл бичих

Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.