Өнөөдөр Сүхбаатарын талбай дээр цахимаар наадам хийхийг болиулж, аж ахуй нэгжүүдийн үйл ажиллагааг нээхийг хүссэн ард иргэд жагслаа. Өдрийн 15 цагаас эхэлсэн уг жагсаал цөөн тооны хүмүүстэйгээр одоо ч үргэлжилсээр байна.

Үүнтэй холбогдуулан Улсын онцгой коммис хуралдаж, Үндэсний их баяр наадмыг хойшлуулах санал гаргасан талаар ХЗДХ-ийн сайд Х.Нямбаатар танилцууллаа. 

Тэрбээр "Улсын Онцгой комисс хуралдаж, 2021 оны долоодугаар сарын 11-13-ны өдрүүдэд зохион байгуулах Үндэсний их баяр наадмыг хойшлуулах саналыг Засгийн газарт оруулахаар шийдвэрлэсэн. 

Засгийн газар, Үндэсний их баяр наадмыг зохион байгуулах хороо долоодугаар сарын 1-ний өдрийг хүртэлх эрсдэлийн үнэлгээг явуулсан. Энэ хүрээндээ Ковид-19 цар тахлын өнөөгийн нөхцөл байдалтай уялдуулж, эрсдэлийн үнэлгээгээ УОК-т танилцууллаа. ЭМЯ, эрдэмтэд судлаачид Үндэсний баяр наадмаа хойшлуулах нь цар тахлын давлагааг багасгах, хумих боломжтой гэсэн дүгнэлт гаргасан. Энэ хүрээнд дээрх шийдвэрийг гаргасан. Маргааш ЗГ-ын ээлжит бус хуралдаан 09:00 цагт хуралдаж, УОК-ын саналыг эцэслэж шийдвэрлэнэ" гэв.