peak.mn
08 сарын 06, 2018
Америк жүжигчин Стивен Сигалыг ОХУ болон АНУ-ын харилцааг сайжруулах тусгай төлөөлөгчөөр томиллоо гэж ОХУ-ын Гадаад хэргийн яам мэдэгдэв.
2016 онд ОХУ-ын иргэншил авсан Стивен Сигал нь тус улсын Ерөнхийлөгч Владимир Путинийг дэлхийн хэмжээний гайхалтай удирдагч хэмээн сайшаан магтжээ.
Америкт төрж өссөн, тулааны урлагийн од тэрбээр 1980 болон 1990-ээд онд “Under Siege” зэрэг адал явдалт олон кинонд гол дүрийг бүтээж, олон улсад нэрээ дуурсгасан жүжигчин болсон юм.
"Стивен Сигал нь НҮБ-ын сайн санааны элчийн нэгэн адил үнэ төлбөргүй ажиллаж, АНУ-ОХУ-ын хүмүүнлэгийн салбар дахь хамтын ажиллагааг өргөжүүлэхэд хувь нэмрээ оруулна" гэж ОХУ-ын Гадаад хэргийн яам албан ёсны фэйсбүүк хуудсаараа мэдэгджээ.
Өдгөө 66 настай тэрбээр 2016 онд ОХУ-ын иргэншил авсныхаа дараа мэдэгдэл хийхдээ, Ерөнхийлөгч В.Путинийг дэлхийн хэмжээний гайхалтай удирдагчдын нэг юм гэж сайшаагаад, надад иргэншил олгосон энэ үйл явдал нь АНУ болон ОХУ-ын харилцаа сайжирч эхлэх дохио болно гэдэгт найдаж байгаагаа илэрхийлсэн байна.
Тэрбээр мөн онд Сербийн иргэншил авсан юм.
Эх сурвалж: МОНЦАМЭ агентлаг
Сэтгэгдэл бичих
Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.