Б.Баясгалан
03 сарын 25, 2021
УИХ-ын чуулганы өнөөдрийн үдээс хойшхи нэгдсэн хуралдаанаар Үндсэн хуулийн цэцийн гишүүнийг томилох, чөлөөлөх асуудлыг хэлэлцэж эхэллээ.
Улсын Дээд шүүхийн нийт гишүүд энэ сарын 22-нд хуралдаж, олонхын саналаар Ж.Эрдэнэбулганыг Үндсэн хуулийн цэцийн гишүүнээр томилох саналыг УИХ-д хүргүүлсэн байна. Энэ дагуу УИХ хэлэлцэж байна.
Ж.Эрдэнэбулган нь 1970 онд Дундговь аймгийн Мандалговь хотод төрсөн. 51 настай. 1994 онд МУИС-ийг эрхзүйч мэргэжлээр төгссөн. 1995 онд магистр хамгаалсан. Хуульч мэргэжилтэй, Хууль зүйн ухааны доктор, хууль зүйн сургуулийн профессор цолтой.
Ажилласан байдал:
1995 оноос эхлэн МУИС-ийн Хууль зүйн сургуулийн Эрүүгийн эрх зүйн тэнхимд багш, ахлах багш, дэд профессор, сургалтын албаны эрхлэгч,
МУИС-ийн Хууль зүйн сургуулийн захирал,
МУИС-ийн Хууль зүйн сургуулийн Эрдмийн зөвлөлийн дарга,
Хууль зүйн ухааны докторын зэрэг хамгаалуулах зөвлөлийн нарийн бичгийн даргаар тасралтгүй 26 дахь жилдээ ажиллаж байна.
2012 оноос МУИС-ийн Эрдмийн зөвлөлийн гишүүн,
МУИС-ийн Хууль зүйн сургуулийн Ёсзүйн зөвлөх,
Монголын Хуульчдын холбооны удаирдах зөвлөлийн гишүүн
Хуульчийн мэргэжлийн шалгалт хариуцсан хорооны дарга, гишүүн
Нотариатчийн мэргэжлийн хорооны гишүүн
МУИС-ийн Эрдмийн зөвлөлийн сонгуульт ажлыг эрхэлж ирсэн байна.
Сэтгэгдэл бичих
Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.