УИХ-ын чуулганы өнөөдрийн нэгдсэн хуралдаан 10.00 цагт эхлэх товтой байсан ч ирц бүрдээгүйн улмаас хуралдаж чадсангүй.

Зарим гишүүд УИХ-ын даргыг албан тушаалаасаа огцрохыг шаардаж, огцрох өргөдлөө өгтөл нь чуулган болон байнгын хорооны хуралдаанд суухгүй гэж мэдэгдсэнээс ийм нахцөл үүсээд буй юм. Харин УИХ-ын дарга М.Энхболд хуулийн дагуу, цаг нь болохоор өгнө. Одоогоор УИХ-ын дарыгн ажлыг өгөх боломжгүй хэмээн мэдэгдсэн. Тус асуудлаас үүдэн УИХ-ын чуулганы нэгдсэн хуралдаан 3-н долоо хоног буюу 6 дахь удаагаа хойшлогдлоо.

Чуулганы өчигдрийн хуралдаанаар 26 асуудал хэлэлцэж шийдвэрлэх, өнөөдрийн хуралдаанд Монгол Улсын Ерөнхийлөгч Х.Баттулга Үндэсний аюулгүй байдалтай холбоотой асуудлаар мэдээлэл хийх хуваарьтай байсан юм.

УИХ-ын дарга М.Энхболдыг огцрох өргөдлөө өгөхийг шаардаж чуулганы хуралдааныг бойкотлож буй УИХ-ын гишүүд:

1. Т.Аюурсайхан
2. Б.Жавхлан
3. С.Жавхлан
4. Ц.Нямдорж
5. Я.Содбаатар
6. Н.Учрал
7. Элдэв-Очир
8. Б.Энх-Амгалан
9. Х.Баделхан
10. Л.Болд
11. М.Оюунчимэг
12. Г.Солтан
13. Ч.Хүрэлбаатар
14. Ж.Энхбаяр
15. Ж.Батзандан
16. Ч.Болорчулуун
17. Г.Занданшатар
18. Л.Оюун-Эрдэнэ
19. Д.Сумъяабазар
20. Д.Цогтбаатар
21. Л.Энхболд
22. Б.Батзориг
23. Ж.Ганбаатар
24. Д.Мурат
25. Ш.Раднаасэд
26. А.Сүхбат
27. Н.Цэрэнбат
28. Н.Энхболд

Дээрх гишүүд чуулганд оролцохгүйгээс гишүүдийн ирц бүрдэхгүй байна.