КИЕВ. /Ukrinform/. Украин болон Монгол Улсын Засгийн газар хоёр орны хооронд визийн журмыг харилцан цуцлах тухай гэрээний төслийг баталжээ.

Визийн журмыг цуцлах шийдвэрийг тавдугаар сарын 22-нд болсон Засгийн газрын хуралдааны үеэр гаргасан байна.

Гэрээний төсөлд заасны дагуу, Украин болон Монголын иргэд 180 хоног буюу зургаан сарын хугацаанд 90 хүртэл хоног харилцан визгүй зорчих боломжтой болно.

Украины Засгийн газраас дээрх гэрээнд төлөөлөн гарын үсэг зурах эрхийг тус улсаас Польш улсад суугаа Элчин сайд Андрей Дещицад олгожээ.

Эх сурвалж: Монцамэ агентлаг