Саруулын Ариунжаргал
03 сарын 12, 2019
Венесуэлийн нийслэл Каракас хот дахь АНУ-ын Элчин сайдын яаманд ажиллаж буй үлдсэн ажилтнуудаа энэ долоо хоногт багтаан эргүүлэн татна гэж АНУ-ын Төрийн нарийн бичгийн дарга Майк Помпео мэдэгдэв.
Өнгөрсөн нэгдүгээр сарын 23-нд Венесуэлийн сөрөг хүчний удирдагч Хуан Гуайдо өөрийгөө тус улсын түр Ерөнхийлөгч хэмээн зарлаж, АНУ-ын Ерөнхийлөгч Дональд Трамп түүнийг хүлээн зөвшөөрсөн билээ. Энэ явдлын дараа АНУ-тай дипломат болон улс төрийн харилцаагаа тасалж буйгаа Венесуэлийн Ерөнхийлөгч Николас Мадуро мэдэгдсэн юм.
Түүнчлэн нэгдүгээр сарын 24-нд Каракас дахь Элчин сайдын яамны ажилтнуудын тоог хамгийн цөөн хэмжээнд хүргэх тухай шийдвэрийг АНУ-ын Төрийн департамент гаргасан юм.
Д.Трампын засаг захиргаа сүүлийн үед Н.Мадурод үзүүлэх дарамт шахалтаа улам нэмэгдүүлсээр байна.
Эх сурвалж: МОНЦАМЭ агентлаг, China Daily
Сэтгэгдэл бичих
Та сэтгэгдэл бичихдээ бусдад хүндэтгэлтэй хандана уу. Ёс бус сэтгэгдлийг Peak.mn сайт устгах эрхтэй.